विश्वकप अनि मेस्सी र रोनाल्डो

जेठ ३१, विश्व फुटबलमा लियोनेल मेस्सी र क्रिस्टियानो रोनाल्डोको सबैभन्दा बढी चर्चामा रहने खेलाडीहरु हुन् ।

विश्वका प्रमुख खेलाडीको रुपमा लामो समयदेखि आफ्नो राम्रो छाप छाड्दै आएका यी दुवै खेलाडीका लागि यो चौथो विश्वकप हो । यो महिना यी दुई खेलाडीको प्रदर्शनमा धेरैको आँखा पुग्नेछ ।

उनीहरुले विश्वकपमा अहिलेसम्म गरेको प्रदर्शन यस्तो छ –

यी दुवै खेलाडीहरुले जर्मनीमा भएको सन् २००६ को विश्वकपमा आफ्नो पहिलो सहभागिता जनाएका थिए । सन् २००६ मा लियोनेल मेस्सी अर्जेन्टिनाका लागि त्यति धेरै महत्वपूर्ण थिएनन् । उनले तीन खेलमा मात्र सहभागिता जनाएका थिए । सो विश्वकपमा उनले एक गोल गरेका थिए भने एक गोलमा सहयोगीको भूमिका निर्वाह गरेका थिए । सो विश्वकपको क्वार्टरफाइनलमा भएको खेलमा भने उनी बेन्चमा बसेका थिए ।

पोर्चुगलका रोनाल्डोले पनि सन् २००६ को विश्वकपमा विश्वकपको डेब्यु गरेका थिए । उनले इरानविरुद्ध गोल पनि गरेका थिए । यो उनको विश्वकपको पहिलो गोल हो । सो विश्वकपमा पोर्चुगलका लागि उनले छ खेलमा सहभागिता जनाएका थिए । पोर्चुगल विश्वकपमा चौथो भएको थियो ।

सन् २०१० मा दक्षिण अफ्रिकामा भएको विश्वकप प्रतियोगितामा मेस्सी अर्जेन्टिनाका सबैभन्दा भरपर्दा खेलाडी बन्न पुगेका थिए । यद्यपि यो प्रतियोगितामाा मेस्सीले खेलेका पाँच खेलमा कुनै पनि गोल गर्न भने सकेनन् । उनले यो प्रतियोगितामा तीन गोलमा सहयोगीको भूमिका निभाएका थिए । क्वार्टरफाइनलमा अर्जेन्टिना जर्मनीसँग ४–० ले पराजित भएको थियो ।

रोनाल्डोलाई पनि ब्राजिल विश्वकपमा पोर्चुगललाई माथिल्लो चरणमा पुर्‍याउने दबाब थियो । विश्वको प्रमुख उपाधिहरु जितिसकेका खेलाडीले सो विश्वकपमा महत्वपूर्ण प्रदर्शनको अपेक्षा गरिएको थियो । यद्यपि उनले यो विश्वकपमा एक गोल गरेका थिए भने एक गोलको अवसर सिर्जना गरेका थिए । रोनाल्डोको टोली यो विश्वकपमा समुहचरणभन्दा माथि जान भने सकेन ।

Leave a Comment

Your email address will not be published. Required fields are marked *